បាត់ដំបង៖ សមត្ថកិច្ចបានឲ្យដឹងថា នៅថ្ងៃទី២៧ ខែមីនា ឆ្នាំ២០២២ វេលាម៉ោង ៩ និង១០នាទីព្រឹកមានករណីឆេះរថយន្ត ១គ្រឿង មូលហេតុឆ្លងចរន្តខ្សែភ្លើង នៅត្រង់ចំណុចលើផ្លូវជាតិ៥៧A ស្ថិតក្នុងភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង។
រថយន្តដែលឆេះនោះ ម៉ាកកាម៉ារី ពណ៌ខ្មៅ ស៊េរីឆ្នាំ១៩៩២ ពាក់ស្លាកលេខ ភ្នំពេញ ២R ៤១១១ ម្ចាស់រថយន្តឈ្មោះ ទួត ស្រស់ ភេទប្រុស អាយុ ៤០ឆ្នាំរស់នៅ ភូមិច្រាំងបាក់ ឃុំឃ្លាំងមាស ស្រុកបវេល បាត់ដំបង និងអ្នករួមដំណើរឈ្មោះ មករា រ៉ាទី ភេទស្រី អាយុ ៣៣ឆ្នាំ រស់នៅភូមិឃុំជាមួយគ្នា។
ករណីឆេះរថយន្ត ១គ្រឿងខាងលើនេះខូចខាតអស់ទាំងស្រុង ចំណែកអ្នកបើកបរ និងអ្នករួមដំណើរពុំមានរងរបួសទេ៕
ព័ត៌មានជាច្រើនទៀតសម្រាប់អ្នក
